Connect with us

चिरोटे रेसिपी

Recipes

चिरोटे रेसिपी

चिरोटे रेसिपी

“चिरोटे” हा एक पारंपरिक महाराष्ट्रीयन गोडाचा पदार्थ आहे जो सणावाराच्या दिवशी आणि खासकरून दिवाळीच्या फराळासाठी तयार केला जातो. साजूक तुपात तळलेला हा पदार्थ खुसखुशीत होतो. नुसता तळलेला चिरोटा बिनसाखरेचा पण छान लागतो बेकरीत मिळणाऱ्या खारीसारखा लागतो. पण खारीपेखा नक्कीच पौष्टिक. गोड न खाणाऱ्यांसाठी किंवा कमी गोड खाणाऱ्यांसाठी साखरेचे प्रमाण कमी-जास्त करून करता येतो.

चिरोटे करण्याच्या वेगवेगळ्या पद्धती आहेत कोणी फक्त मैद्याच्या करतात तर कोणी मैदा आणि रवा मिक्स करून करतात, साट्यासाठी बरेच जणं तांदळाची पिठी वापरतात तरी काहीजण कॉर्नफ्लॉवर वापरतात, चिरोटे लाटण्याच्या पण दोन पद्धती आहेत गोल आणि उभी. पहिल्यांदा करताना दोन्ही पद्धतीने १-१ लाटून बघा कारण बऱ्याचवेळा गोल चिरोट्याचे पदर तुपात तळताना निसटतात. तळलेले चिरोटे पिठीसाखरेचे आणि पाकातले दोन्हीही छान लागतात.

हा पदार्थ खूप दिवसांपासून माझ्या to-do लिस्ट मध्ये होता दिवाळीच्या निमित्ताने करून पहिला आणि जमालाही

साहित्य-

२० चिरोट्यांसाठी

२ वाटी मैदा
पाऊण वाटी पिठी साखर
२ चमचे कडाडीत गरम तूप
१/४ चमचा मीठ
१/२ चमचा बेकिंग पावडर
थोडा गुलाबी रंग
१/२ वाटी तांदळाची पिठी (साट्यासाठी)
३ चमचे पातळ तूप (साट्यासाठी)
पीठ भिजवण्यासाठी थोडे दूध
तळण्यासाठी तूप.

कृती-

मैदा, मीठ, बेकिंग पावडर एकत्र करा, दोन मोठे चमचे तूप चांगले कडकडीत गरम करा नाहीतर चिरोटे मऊ पडतात.

अंदाज्याने दूध घालून पीठ भिजवून घ्या (करंजीच्या पिठाप्रमाणे) त्या पिठाचे तीन भाग करा, एका भागात गुलाबी रंग मिसळा.

तूप थाळीत हाताने फेटून घ्या त्यात तांदळाची पिठी मिसळवून घ्या साटा तयार झाला हा साटा पाण्यात टाकून बघा तो पाण्यावर तरंगायला हवा.

पांढऱ्या पिठाच्या २ आणि रंगीत १ अश्या तीन पोळ्या पिठी लावून पातळ लाटून घ्या. पोळी पातळ लाटली तरच छान पदरं सुटतात.

एका पोळीवर अर्धा चमचा साटा पसरवून घ्या. त्यावर रंगीत पोळी ठेऊन त्यावरही साटा पसरावा. पुन्हा पांढरी पोळी ठेवा त्यावरही साटा लावा.

त्याची गुंडाळी करा आणि ओल्या कपड्याखाली झाकून ठेवा.

नंतर त्याचे अर्ध्या इंचाचे तुकडे कापून घ्या.

कापलेली बाजू वर करून अलगद हाताने थोड्या तांदळाच्या पिठीवर चिरोटा लाटा.

नंतर कढईत तूप तापले कि, त्यात एकेक चिरोटा घाला. कढईत टाकल्याबरोबर जरा खाली दाबा आणि तूप उडवून छान तळून घ्या. काट्या चमच्याने पदरं थोडी उकलून घ्या. तळल्यावर अगदी गुलाबाच्या फुलासारखा दिसतो.

सगळे चिरोटे तळून झाले कि पिठी साखर भुरभुरा.

गार झाले कि हवाबंद डब्यात भरून ठेवा म्हणजे ते मऊ पडणार नाहीत .

(साट्यासाठी तांदळाची पिठी ऐवजी कॉर्नफ्लोअर पण वापरू शकता, तळण्यासाठी तूपाऐवजी तेलही वापरू शकता, अर्ध्या इंचाचे काप लाटताना कापलेल्या बाजूएवजी गुंडाळी केलेली बाजूही अलगद लाटू शकता ह्या चिरोट्याचा तळल्यानंतर आकार वेगळा दिसतो, सजावटीसाठी वरतून सुकामेवा आणि वेलची पावडर टाकू शकता.)

Bhakti D MBA in HR and Finance who found her love and passion in cooking and writing. She enjoys experimenting new recipes as much as enjoy playing with her son, she also brings her expertise as a parent and a qualified professional to WSL

Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

More in Recipes

  • Recipes

    छोले भटूरे

    By

    छोले भटूरे हा पंजाबी पदार्थ म्हटला जातो पण आजकाल पंजाबी नसलेल्या घरातही तो सर्रासपणे बनविला जातो....

  • Food

    हैद्राबादी स्टाईल कैरीचे लोणचं

    By

    आपल्याकडे लोणच्याचे निरनिराळे प्रकार आणि ते बनविण्याच्या अनेक पद्धती आहेत. आंध्र प्रदेशात केले जाणारे लोणचे हे...

  • Recipes

    मिल्क पावडर बर्फी

    By

    मिल्कपावडर बर्फी अतिशय सोपी, कमी साहित्यात आणि झटपट तयार होते. मिठाईवाल्याकडे मिळणाऱ्या मिल्क पेढ्यासारखी चव लागते....

  • Recipes

    निनावं

    By

    “निनावं” हा पारंपरिक सी.के.पी पदार्थ आहे. ह्याला तुम्ही पारंपरिक केक म्हणू शकता. आधीच्या काळी पारंपरिक पद्धतीने...

  • Recipes

    मखाना खीर

    By

    मखाना हे पाण्यात वाढणाऱ्या एका वनस्पतीच्या बियांपासून तयार करतात त्याला (lotus seed) असेही म्हणतात. मखान्याची शेती...




Trending

Follow US




To Top